Мусаева Зилола Баходировна, 28 июл 1979 йил таваллуд топган. Оилалик, 11 ёшли Солих исмли угли бор. “Тарона такдимоти – 2003” маросимининг – “Йилнинг энг яхши сахна киёфаси” хамда “Йилнинг энг яхши аёл хонандаси” номинация совриндори. “Тарона такдимоти – 2004” маросимининг – “Йилнинг энг яхши албоми” номинация совриндори. “Тарона такдимоти – 2004” маросимининг – “Йил кушиги” номинация совриндори. Психологик китобларни укишни ёктиради. Инглиз, турк, озарбажон тилларини оз-оздан билади.

Хонандаларимиз орасида тобора ажралиб, тобора рейтингли ошган сари, унинг атрофидаги гап-сузлар, сирли вокеалар кучайгани сабабли, Шахзода тахаллуси остида ижод килаётган Зилола Мусаева билан учрашишга карор килдим. Ва у билан интервью олишга «Тарона» студиясига йул олдим.

Аввалига узимча унинг рейтинги балки унинг атрофида кечаётган сирли гап сузлармикан, балки бу хам пиар конуниятига киритилаётган янги усулмикан, ёки чинданам ёкимтой кизалок имиджи омадлимикан дея тахмин килдим.

Ва бу тахминларнинг барчасига у билан кечган сухбатда жавобни олдим дея оламан.

Студияга бироз вахтлирок кириб келишимга карамай Зилола компютер олдида аллакачон мени кутиб утирган экан. Мени куриб аввалига бироз хадик билан караб турди, котиб айнан кутилган журналист мен эканлигимни айтгандан сунг урнидан туриб кутиб олди. Лекин, шунда хам юзидаги алланечук хадик ёки хаяжон хисси куриниб турарди. Атрофидаги булар-булмас гаплардан журналистлар хол-жонига куявермагач шу ахволга келиб колгандур деган фикр хаёлдан утди. Салом-аликдан сунг студия кошидаги барга таклиф килди.

-Чой? Кофе? (мехмодорларча)

-Рахмат чой.

Хабаримиз бор, рус мактабини тугатгансиз, ва бирмунча вакт мобайнида Москва шахрида хам яшагансиз, сухбатда хам рус тилида сузлашасиз. Саволим, узбек тилидаги куйлаётган кушикларингизни маъносини узингиз тушунасизми?

(Узбекча):-Албатта тушунаман(кулади). Узбекча гапиришга уялвомман.(кулади) Хуп, гап йук, узбекча гапираман.(кулади)

-Менинг атрофимдаги инсонлар ва дустларим аксарияти рус тилида сузлашади шунинг учун осонрок менга рус тилидаги сузлашиш, лекин куриб турганингиздек узбекча яхши тушуниб, гапираман.

Мана шу жавобдан сунг, кейинги саволларимга атайин кийинрок, адабийрок узбек сузларидан кушиб савол бера бошладим. Кизиги, саволни тушунтириб беришимни сурамай бемалол жеавоб кайтара бошлади.

Узингизни ижодкор деб хисоблайсизми?

-Албатта хисоблайман.

Куйлашдан ташкари кушикларингизда кандай ижодий хиссангиз бор?

-Деярли хаммаси, шунчаки бизда иш ижодий гурухда кечади, чунки хабарингиз бор уз-узимга алохида мустакил хонанда эмасман, «Тарона» студиясига карашли булган лойиха иштирокчисиман. Ва бизда тегишли тартиб-коида мавжуд. Баъзи хонандалар шунчаки тайёр кушик олиб келиб бу ерда уни яратса, менда эса сал бошкачарок кечади. Масалан, мана мен утириб узимда кечаётган хис туйгулар, ёки мени кийнаётган бирон бир мавзу, муаммо дейсизми, шуларни мухлисларга кушик оркали етказиб бермокчиман дейлик. Чунки бундай нарсаларни факат шу тарзда етказа оламан. Мана шу нарсаларни гоя сифатида шоир ва аранжировкачиларга тушунтираман. Шоир уз навбатида бу гояни сузлар билан, уларни кофиялаб шеър тайёрлайди. Мусика хам худди шу тарзда. Хар бир кушигим яралиши узимдан келиб чикади.

Сахнадаги куриниш, имидж деган нарсалар устида эса кимлар ишлайди?

-Уларни хам узим уйлаб топаман. Албатта мен учун якин булиб колган Анжела деган тикувчим бор, уша узим уйлаган куринишларни унга айтаман ва у хам уз навбатида менга тайёрлаб беради. Мен жудаям ужар инсонлар тоифасига кираман, менга бировни фикрини сингдириш жудаям кийин, шунинг учун куп нарсаларнинг устида узим бош-кошман.

Хаётда кийиниш услубингиз, каердан кийим-кечак харид киласиз?

-Жудаям куп, лекин уларни реклама тарикасида айтишни хохламайман, албатта бренд булган фирмалар махсулоти менга якинрок ва ёкади. Модага алокам яхши, тулаконли мода билан хамнафас булмасам-да, кузатиб бораман. Инсон модага асосан эмас, узига мос ва ярашганини кийиши керак деб хисоблайман.

Якиндагина бир хонанда билан сухбатлашганимизда, «Мана, Сиз журналистлар бир маромидаги саволлар берасизлар, лекин, бирон маротаба, соглигинг яхшими? Кунглингда не кечмокда-деб кизикмайсизлар» деганди. Сизга шу савол, сог-омонмисиз? Кунглингизда нималар хозир кечмокда? Нималар кийнамокда?

- Хозир, айнан хозир кунглимда хаммаси жудаям ажойиб ва аъло даражада. Жудаям тугри сузларни айтган экан уша сухбатдошингиз, бир тарафдан журналистларни хам тушунаман, узим болаликдан журналист булишни орзу килганман. Ва журналистлар узи ишини бирон бир кизик мавзу кутариш, шов-шув, сенсация истагида булиб санъаткордан мана шу жавоблар пайида булади.

Адашасиз.

-Бу хам бир тижоратдек иш. Билмадим яна, менга шундай туюлади. Хар холда укувчиларни улар кизиктириши керак-ку. Лекин шунда хам журналистлар хар хил йуналишда, кимдур шоу бизнесдаги «сарик пресса»да, яна кимдур бошка йуналишда. Биз санъаткорлар билан асосан шундай шов-шув истагида мулокот киладиган журналистлар ишлайди.

Санъаткорлар билан факат «Сарик пресса» ишлайди деб хисоблайсизми?

-Деярли…Биласизми, санъаткорга кийин даврида хамма нарса «сарик прессадек» туюлади (кулади). Чунки гохида жудаям яхши булмаган саволлар беришади. Мени ижодимда бир нохуш давр булган пайтда, нохуш хам дея олмайман-у, лекин, шунчаки мени тинч куйишларини хохлаган кезларимда жудаям куп журналистлар шу каби нохуш саволларни беришганида менга хам ёкмаган.

Балки уша нохуш вазият билан боглик саволларга уз вактида нукта куймай, тайин жавоб бермаганингиз учун саволлар купаявергандур? Ва бу узига хос пиар куринишида хам булиб колгандек эди.

-Канаканги нукта хакида гап кетиши мумкин узингиз уйланг?

Эътирозлар хам булмаганди-да, масалан, бир уша нохуш вазиятлардан бирини олайлик, уша интернет ва мобил телефонларида таркалган видеоматериалларни назарда тутсак?

-Ха албатта…Лекин шунда хам кандай нукта? Мен кандай килиб бу хакида гапира оламан хам? Бундай ифлослик хакида тухталишни хам истамайман. Бу шунчалик разил ва пасткашликки, бу тугрида гапиришни хам истамаганман. Агар керак булса, айтишим мумкин катта-катта, калин-калин нукталар билан «Бу мен эмасман!» дея. Ва буни шундок хам, хамма, катта-ю-кичик хам билса керак. Бу таркалган нарсалар ахмокликликдан узга эмас. Бу нарсани килган инсонлар уялиши керак. Ахир кимдур шу нарсани тайёрлаб, ташкиллаштириб таркатган-ку, тушуна олмайман нима кераги бор эди, нима манфаат курган уша инсонлар? Уша инсонларга ёмонлик хам тиламайман, уларга худодан соглик ва омонлик тилайман! Лекин…уша даврлар бу мен учун шунчалар бир ифлослик булгани учун, жавоб беришни хам узимга эп курмаганман. Уша даражагача паст тушишни хам хохламаганман. Жудаям куп савол беришган шу хакида, алам киларли жойи, инсон бир кокилишини кутиб турадиганлар бор, кокилиши билан оркасидан келиб туртиб юборишади. Мухлислар хам агар санъаткор юлдуз даражасида ижодий юксалиш даврида булгандагина уни севишади, бир кокилса даров улар хам янчиб юборишга тайёр. Мен буни жудаям яхши тушундим. Куп вазиятлар булганда кокилмаганман, бунда шунчаки менга оёк куйиб кокилтиришди. Яхшигина туртиб юборишди. Шундагина билдим, бу хаммага кул келгани-ю, шундай саволлар бериб завкланишаётганини.

Шоу-бизнеснинг ёзилмаган конунларидан бири булмиш «таъкик»га муносабатингиз? Бошкаларга нисбатан Сизга булган «таъкик» худудий куринишда, бирон жойда мумкин, бирон жойда мумкин эмас.

-Мана Сизга жудаям жудаям чин дилдан хакикатни айтмокчиман. Узим кучага чикиб шундай бир жой булса-ки, бакириб савол бера олинса, савол бергим келяпти «Нима учун?». Нима сабадан ва нима килганим учун? Хакикатдан узим хам билмайман ва тушунмаяпман хам. Куп савол беришади нима учун факат Россия, Козогистон ва Кавказ улкаларида концерт дастурлари билан чикиш киласиз-у Узбекистонда эса йук деб. Аввал оддий режа булса энди эса Узбекистонда концерт бериш орзуим…

Сиз фаолият юритаётган студиянинг узига яраша юристлари булиши тайин, юкорида айтганингиздек мустакил хонанда эмассиз, нахотки улар харакат килиб шу саволга жавоб ола билишмаса?

-Биз унчалик хафсала билан кизикмадик хам харакат хам килмадик. Мен узимни ишимни килиб куйлаяпман холос. Сизга айтишим мумкин-ки, мен жанжалкаш инсонлар ёки хонандалар тоифасига кирмайман. Мен узимни севимли касбим билан шугулланаяптман холос.

Демак, Сиз хозирги фаолиятингизни касб деб хисоблайсиз?

-Ха, мен бунги касб деб хисоблайман. Хам касбим, хам хаётим ва хаммаси бир булган нарса.

Охирги пайт бошка давлатларда концертларингиз дастурингиз билан гастролларингиз купайган, бизнесмен аёлдек узингизни хис килмаяпсизми? Ва бугунги кундаги санъат тушунчасининг аста-секинлик билан шоу-бизнес деган номга айланиб бораётганлиги хусусида фикрингиз?

-Йук, чунки мен бизнес билан шугулланмайман, мен севимли ишим билан шугулланаяпман. Шоу-бизнесга келсак, шунчаки номи узгарган холос, хаммаси уз урнида. Масалан, миннат ва нокамтарлик булмасин-у, купгина тадбир ёки концертларда текинга хизмат киламан хам. Шоу-бизнес номланиши факат замон билан хамнафас, замонавий тус олган холос. Маълум бир номланиш холос.

Охирги пайт хит буладиган кушикларнинг умри кискарок буляпти, Сизнинг собик «Жоним» гурухи билан куйлаган «Карама» кушигингиз хамоно купчилик тинглаб келяпти, кимларгадур бу хам ностальгиядек. Бу нимадан деб хисоблайсиз?

- Бу савол менга эмас деб уйлайман, чунки, хар бир кушигим узимга азиз, биронтасини ажрата олмайман. Кайсидир вакт мобайнида «Ассалому алейкум» кушигим менга жудаям азизрок эди, хозир купрок ички хиссиётларимга монандроги янги «Кучгин» кушигим.

«Ассалому алейкум» кушингиз хакида гапириб берсангиз, бироз диний йуналишда куринди клип?

-Кушик муаллифлари Равиль Гимазутдинов ва Шахноз Саидкосимовалар, кушикдаги эркак овози хозирда консерваторияда тахсил олаётган Илхом исмли йигитга тегишли.

Мазкур кушигингиз диний куринишда булганлиги сабабли мухлисларни шу каби фикрингиз кизиктирганди, кимдур «Ассалому алейкум» сузини талаффузини нотугри айтганингизда хам мухлислардан айбловлар булган эди.

- Мен (алохида ургу билан) Ассалому алейкум деб куйлаганман, биринчидан диккат билан тинглашларини сурардим уша айбловни келтирган тингловчилардан. Иккинчидан хар хил одмалар бор, кимгадур ёкмаслигим мумкин, кимгадур ёкаман, хаммага баб-баробар ёкавермайманку. Аввало калбимда бор нарсаларни куйлайман, кимларгадур нималарнидур исботлаш учун куйламайман. Хохлаган нарсам тугрисида куйлайман ва мен хохлаган нарсани керакли одамлар тинглаб тушуниб олаверади.

Охирги пайт пластик жаррохликдан фойдаланиш нафакат ёши утган аёлларга, балки ёш кизларга хам одатий холга айланган. Хатто бир ёш хонандамиз очикчасига пластик жаррохликдан фойдаланиши, хамда бир филм учун атайин юз куринишини шу филмдаги кахрамонига монанд пластик жаррохлик оркали узгартирганлигини тан олди. Сиз хам пластик жаррохликка мурожаат килиб турасизми?

-Менга хали вакт бордур (кулади). Мен пластик жаррохликка карши эмасман дея оламан. Лекин, хозирги кунда узимнинг танимдаги биронта бир жойни узгартиришга хожат сезмаяпман. Ёшим утиши билан, вакти келиб пластик жаррохликка мурожаат этмайман деб хам айта олмайман.

Улама сочлар хам модада…

-Хозирча сочларим узимники, узимни мактамокчимасману(хандон отиб кулади), лекин сочларим табиий ва яхши холатда.

Сизнингча хонанда булмаганингизда кайси касб эгаси булар эдингиз, ва нима учун?

-Болаликдан журналист булишни орзу килганман, ойнани олдига утириб узимга узим савол бериб, узим жавоб бериб, интервью килардим. Менга жудаям ёкарди. Бундан ташкари расм чизишни жудаям яхши курардим, рассом булишни хам орзу килганман. Бу хам бир санъат тури ва орзуимдан унчалик узок кетмадим деб уйлайман хозирги кунда.

Болаликданги орзуни хам хозир руёбга чикариш кийин эмас-ку, мана купчилик хонандаларимиз курсатув хам олиб боришяпти?

-Йук, хохламайман энди, мени фикримча хар ким уз иши билан шугуллангани яхши. Бир узбек маколи бор…

Чумчук суйса хам…

-(дарров)Кассоб суйсин!

Ёки «Кассоб кассоблигини килгани яхши» шуми? Охирги пайт купчилик сухбатдошларим билан айнан шу макол борасида тортишяпман.

-Ха, ха, шу макол.

Купгина бу маколни эътироф этадиган фикр ва маколлар хам мавжуд, масалан, албатта эркак киши булса, «Йигит кишига кирк хунар оз», фикрга келсак, нима учун кассоб мол суйиб давлат ишида ишлай олмайди? Санъат, иктидор уша кассобда хам булади-ку.

-Барибир мени фикримни узимдан узгартира олмайсиз-да, йигит киши тугри айтингиз, шундай бир зот-ки аёл кишидан умуман катта фарк килади, икки узга сайёрадек. Эркак киши юзта касб билан бирваракайига шугулланиши мумкин, мен бундай эркакларни жудаям хурмат киламан. Хам бу ишларни улгуриб, хам уддасидан чикса, ишлари ухшаса бу хурмат икки баробар. Киз бола эса бу нозик зот, агар бир ишни уддалаб ишлаяптими, шу билан кифояланавергани яхши. Билмадим, шахсан менга ёкмайди агар бирор аёл хонандани курсатув олиб бораётганини курсам. Биласизми, якиндагина дустларим билан шу мавзу борасида сухбатлашгандик, хонанда киз, нафакат хонанда киз, бакли, аёл зоти барибир сирли ва узгалар учун кайсидир маънода жумбок булиши керак. Бу мени фикрим, аёл барибир сал узгалардан пинхона булиши керак. Унинг ижросидаги клипни томоша килиб, уни жумбокларини еча бошлайсан, кизик булиши керак. Нега бундай деяптганимнинг боиси, якиндагина россиялик «Фабрика» гурухи кизларининг янги клипини телевизорда куриб колдим. Лекин, нима учундур шу клип янги булишига карамай куришни истамадим. Чунки, бу кизларнинг хар бири тугрисида етарликча маълумотга эга эдим. Уларнинг куриниши, сахнада узини тутиши, пластикаси ва хоказо. Мен учун шу пайт улар уз кизигини йукотган эди. Агар уша пайт янги бир нотаниш гурух ёки хонанданинг клипи булганида диккат билан томоша килган булар эдим.

«Парвона» геазетасининг суровномаси натижаларига кура Сиз энг ёкимтой хонанда деб топилдингиз.

-Мен бундан хурсандман, менга бу аъло янгилик. Мухлисларга ташаккур айтмокчиман мени бу уринга муносиб топганлари учун. Рахмат.

Интернет оламига алокангиз?

-Ижобий, узимнинг сайтим хам бор www.shahzoda.uz, афсуски вакт кам булганлиги боис интернетдан кам фойдаланаман. Биласиз бу сохада вактимиз чегараланмаган булади. Яна якиндагина бир вокеадан сал кунглим ранжиди. Хозирда интернет оламида "Одноклассники" деган сайт бор, ва бундан Узбекистонликлар хам куп фойдаланишади. Танишларим менинг хам сахифам очилганини, ва унда менинг расимларим, мен хакимда маълумотлар булиб, кимдур менинг номимдан хамма билан дустлашиб алокалар урнатаётганлиги хакида айтиб колишди. Бировнинг хаёти билан яшагандан энг ёмони булмаса керак, уша инсонга шунинг учун хам рахмим келади. Хозирча факат шу узимнинг сайтим ва унда курсатилган манзилим холос, мухлисларимдан интернет оламидаги менинг номимдан сахифа очаётган ёки манзилларни таркатаётганларга ишонмасликларини сурардим.

Аёл киши кандай булишлиги хакида фикр билдириб унга алохида ургу бердингиз, бу билан бирга вакт камлиги ишингиз вакти чегараланмаганлигини хам айтиб утдингиз. Оиладаги узингизни аёллик вазифаларингиз хакида, болангизга вакт ажратиш хакида?

-Бу менинг энг катта хатоим десам хам булади, жудаям кам вакт оилага ажратишим. Углим Солих Ёрий хозир 11 ёшда. Фарзандимни узим билан бирга олиб юриш хам нотугри деб хисоблайман.

Хозирги пайт шахсий хаётингиздан мамнунмисиз?

-Жудаям. (кулади) Жудаям!

Нега куляпсиз?

-Сиз нега жилмайяпсиз?(кулади)

Оилангиз-чи, Сиздан мамнунми?

-Уйлашимча ха.