Anchadan beri TV kanallari orqali ko'rinmay qolgan yosh va iste'dodli xonanda hamda bir nechta kimnofilmlar orqali barchamizga tanish bo'lgan Shohruhxon ijodidan so'nggi yangiliklarni sizlarga havola etishga tayyormiz. Shohruhxon shu kunlarda ikkita qo'shiq yaratdi va videoklip ustidagi ishlarni boshlab yuborgan. Shuningdek, "Bo'rilar-2" kinofilmi ham tez kunda katta ekranga chiqadi...

Yaratgan qo'shiqlarining birining so'zini Shohruhning o'zi, ikkinchisini esa, Shahnoz yozgan. Shuni ham alohida ta'kidlab o'tish joizki, aynan mana shu taronalardan biri, "Bo'rilar-2" filmi uchun saundtrek tarona hisoblanadi. Shohruhxon ushbu filmda ham bosh rollardan birini ijro etgan. "Bo'rilar-2" kinofilmi iyun oyining boshlarida katta ekranga chiqishi rejalashtirilmoqda.