....
Vada qilingan intervyu davomi...

Илхомланиб келажакда кушик куйлаш нияти борми? Дейлик Улугбек билан гурух хам тузарсизлар?

-Йук,(кулади). Мен бир нарсадан куркаман, томошабин жуда нозик булади. «Энди булар хам кушик куйлаб юборибди» деган сузлардан куркаман. Шунинг учун деярли бу кушикга ургу берилмади ва хамма ерда «айлантирилмади». Факат филм учун махсус булди. Чунки филмда узимизни дардимизни узимиз куйлаяпмиз-да, кимдур биз учун куйлаб беряптгани йук

«Панох» филмидаги таркаб кетган «Гижим», «Ефрейтор» сузлари кайси «муаллиф»га тегишли булган?  Балки узларингиз импровизацияларингиз?

-Сценарист ёзади уни. Импровизация эмас (кулади)

Улугбек билан куп таккослашган, менинг фикрим албатта бу рейтинг даражасидаги икки машхур инсонни шунчаки таккослаш. Шундай булса-да Улугбекнинг кай жихатларини тан оласиз ва хавас киласиз?

Нима учун Сизга герой (кахрамон)ларни талкин килишни таклиф килишмайди? 

-Билмадим энди (кулади) мени купрок шу романтик куринишда куришса керак-да. Бир суз билан Улугбек билан мен ракобатчи эмас, муносабатлар дустона..

Сизларни дуст хам деб булмайди-да?

-Нима учун? Нимага бизлар дуст була олмаймиз?(кулади)

Ахир барибир маълум жихатдан ракобатчисизлар

-Ракобатчи деб билмайман. Ракобат Америкада бор. Чунки у ерда жудаям куп актер.

Кизик, жудаям куп актер булган жойда ракобат булиб, икки машхур актер орасида ракобат булмаса, бир урмонда икки шер булмайди-ку?

-Йук, Сиз бошкача талкин киляпсизда.

Сизнинг талкинингизни билсак

-Мен уйлашимча Улугбек билан менда ракобат йук. Мен уни ижро этган филмларига кизикмаганман, менимча у хам мен ижро этган филмларга кизикмаган. Билмадим, кизикган булиши мумкин, (кулади) буни узидан сурарсиз.

 Вилоятлараро «гастроллар» купайгандек, кизиги актерлар…

-Купайгани йук, йилига бир маротаба бу лойиха булади. Мухлисларга якин булиш хам керак-ку, экрандан кургани бошка, хаётда бирга куришган бошкачарок. Вилоятларда бизларни кичкириклар билан жудаям зур кутиб олишди. Хар бир вилоятда мухлислар бошкача булар экан, бир-биридан барибир фарк килар экан, фикрлаш буйича хам..

Фикрлашишга хам улгурдингизми?

-Ха, улгурдим (жилмайиб)

Мухлисларнинг ажабтовурлари булганми?

-Жудаям. Тугрисини айтсам Америкага кетиб кутулдим шунакаларидан. Аввалига кетаяптганда хали согинсам керак деб уйлагандим, лекин жа унака согинмадим. Биласизми, телефонда куркитишлар хам булган, эх нималар булмаган…Балки буларни ёзмассиз?

Нима учун? Балки бошкаларга намуна булар бу канчалик хунуклиги. Хулоса килишсин.

- Нахотки кизлар шу даражага чикиб кетган-деб хайрон колганман. Эртага канака килиб хотин топаман деган хаёлларга хам борганман.(кулади)

Хаётдаги фалсафангиз?

-Жуда куп фалсафаларга келдим, асосан муаллифлик филм ва китобларни укисам, хар-хил фикрлар келаверади-да хаёлга. Мен чет-элда бир китоб укидим «Секрет» ( Сир) деб номланади, Сиз курмадингизми бу ерда? Тошкентга келмадими? Менимча келган булиши керак. Хуллас айтилиши буйича дунёни сири очилган-де, яъни, ёзилишича, бир конун бор, «Ёктириш, узига жалб килиш конунияти» (Закон привлекательности), одам бир нарсани хаёл килса, уша захоти энергия хосил булади, чунки дунё электр токи тизимидек бир куринишда ва шундан иборат.

«Матрица»га берилиб кетибсиз-да?

-Тушунмадингизми? Йук Тушунмабсиз барибир хам.

Нега энди? Айтмокчи булганингиз «Фикрлаш кучи» хакида шундайми?

-Ха, тугри, айнан  фикрлашга асосан, унинг кучи хакида. Инсон шу фикр оркали дунёни назорат килиши мумкин-де. Масалан, инсон бир нарсани уйлайверса, уйлайверса, уш нарса барибир келади дейилади шу китобда.

Шунинг учун куп хаёл сурар экансизда. Актерликка хам шундай етишганмисиз?

-Йук (хандон отиб кулади) Чет-элда укидим дедим-ку. Шу китобда яна ёмон хаёлга борсанг, ёмон нарсани тортасан дейиляпти.  Лекин бу осон иш эмас, бир фактории хам бор, бунга ишониш хам керак.

Сизга осон кечса керак, ахир Сиз хаёлпарастсиз

-(кулади) Йук, хаёлпарастлигим тугри. Ишона билиш хам кийин нарса-да.

Ишонмасангиз хаёл суриб нима килдингиз? Демак, ишоняптгандурсиз-ки хаёл суряпсиз.

-Ээй (кулади) тупикга солишни яхши кураркансиз-а? Билиниб турибди.

Интервью учун эмас шунчаки иккимиз учун якин ва кизик мавзуга такалганимиз учун бирмунча вакт шунчаки фикр алмашиб шу мавзу хакида сухбатлашиб интервьюдан чалгиб кетдик.

Мансаб, пул ва самара. Кай бири мухим? Ва Сизга факат бирини  танлаш хукуки берилса

-Галати савол бердингиз. (кулади) Умуман олиб караганда пул хам бир самара, менимча…уччаласини хам танлаган булардим-у.. Биласизми, чет элда тахсил олаётган укишимдаги укитувчим айтиши буйича, «Хаётда самара бирламчи эмас, уша самара йулидаги саёхат бирламчи» деганди.

Менимча сал нотугрирок, ёки бошка бир инсоннинг сузларини бошкачарок килиб айтгандир, масалан «Хаётда бирламчи галаба эмас, шу галаба томон булган йулидаги тускинликларни олиб ташлаш» булса керак. Чунки шундагина галаба ва Сизнинг масофангиз кискаради.

-Тугри шу гапингиз хам тугри, лекин мен бошкача фикрни олдинга суряпман, мана шу саёхат. Оддий бир мисол, футболни олайлик…

Футболни ёктирмайман

-Мен хам ёктирмайман. Мисол учун, мана галабага у ерда хаммаси интилади тугрими? Лекин шу галаба учун интилишдаги ички туйгу энг асосийсилигини айтиляпти. Мен Сизга хозир тушунтириб бера олмаяпман-да. Сал бошкачарок маъно. Масалан одамлар ё келажак билан ёки утмиши билан яшайди. Ва бутун умри давомида келажак ва утмиш билан яшаб хаётда деярли яшамаган. Хозирги куни билан яшамаган. Доим  утаётган онларни эслаб кол деган нарсаларни  айтиляпти.

Шундан келиб чикган холда юкорида узингиз билан якка коласизми деган савол бергандим, ахир узингиз билан узингиз якка колгандагина бугунги кечаётган кунларни тахлилига утасиз, онларни эслаб коласиз.

-Ха, хозирги кун билан яша дейилади уша укиган китобимда. Хар хил одамлар бор, хар хил дунёкарашлар билан. Хар бир турфа дунёкарашли инсонларни хам уз дунёкарашингизга мослаштириш имконият булади бу китобдан келиб чикган холда. Юкоридаги уч вариантга келсак,   мансабни хеч качон биринчи уринга куймаганман. Билмадим, буни ёзиш шарт эмасдир, лекин, бир кабинетда мансабдор шахс булиб утириб, нариги хонада котибам булишини хеч качон орзу килмаганман. Лекин пулга кизикмайдиган инсонни узи булмаса керак деб хисоблайман. Пул хар доим керак.

Китобни охиригача укимаган куринасиз.

-Охиригача укиганман. Лекин уни охиригача укиган бошка ва ундан керакли нарсаларни олиб хаётга тадбик килиш бошкача булса керак.

Пулга келсак айнан шу тоифа китобларда ёзилишича «Канчалик пулдан кочсанг, у шунчалик ортингдан югуради» деган конунияти хам бор.

- (жилмайиб, кошларини чимириб, киноя билан кайтаради) Конунияти? (кулади)

Ха, уша фикр юритилаётган китоблардаги конуният хакида.

-(кулади) Лекин, мен бир нарсага кушиламан шу гапингизда, филмни олишда купрок санъатга эътибор бериш керакда, пул хакида уйламасдан, кейин пул шунда оркангиздан кувади. Энди бу билан бизнинг режиссерларга таалукли  демокчи эмасман, шундай нарсалар бор-ки «мана бу нарсани килсам томошабин боради кинозалларга, мана бу нарсани кушсам томошабинга ёкади»-деган. Мен уларни кораламокчи эмасман, уларни канакадур маънода дунёкараши тугридур, лекин, мен уйлашимча филмни олинаётганда биринчи уринда санъатдек каралиши керак, у санъат асари булиши керак. У кимгадур ёкиши учун деталь тикиш керак эмас, асосийси дунёкарашингиздан келиб чикган холда санъат асари яратиш. Масалан Да Винчи хам чизаётган асарларида «Кимгадур ёкади» деб килмаган-ку.

Лекин Да Винчининг хозирги кунгача машхур асарлари бор-ки тан бермай илож йук, яъни ундаги деярли бир бирига зид булган хиссиётларни жамлаб, бирлаштира олиши.

Мана Спилберг деган режиссер бор, уша бир муаллифлик бир лойихани олади. Муаллифлик лойихалари асосан зерикарлирок булади.   «Кандай килиб тижорат килсам булади шу лойихани?»-дея ёндошади. Муаллифлик лойиха билан тижорат лойихасини бирлаштириб филм яратади. Хам «Оскар» мукофоти номзодига мос равишда ишлайди, хам, томошабинлар билет сотиб олиб кинозалларга боришига мослаштириб филм яратади. Уша Сиз айтяптган Да Винчига ухшаб бирлаштира олиш керак деяпсиз-ку, мана Спилберг шуни уддасидан чика олади.

Лекин Стивен Спилберг купрок санъат эмас, стратегик тарафлама ёндошади.

-Лекин барибир уша санъат булади-да. Масалан, «Титаник» филмини олсак. (Филмни Джеймс Камерон суратга олган эди. Муаллиф)

«Титаник» филми эффект ва олиниш томонидан санъат дейиш мумкин, маъно жихатдан кушилмайман, оддий романтика ва мухаббат. Купрок Мэл Гибсоннинг филмларида санъат асарларини кузатиш мумкин булса керак.

-Мен хам Спилбергни хамма филмларини айта олмайман. «Трансформер»ни олсак, хакикий тижорат филми. Лекин баъзи филмлари хаикатдан таъсир киладиган даражада, кайсидир бир эпизод, онлари билан. «Шиндлер руйхати»,  «Оддий аскар Райнни куткариш» каби филмларини «дахшат» филм деб биламан.

Айнан Америкадаги укиш, мослашиб чархланиш боиси бу уша  ердаги филмларда рол ижро этиш  учун интилишми?

-Мен шунчаки уларнинг дунёкараши кино санъатини урганмокчиман.

«Генерал булишни орзу килмаган аскар аскар эмас» деган накл бор. Балки сал ноуринрокдир бу савол, лекин келажакда узингиз филм олиш ниятингиз борми, ва булса у кандай булиши керак?

-(кулиб) Албатта бор. Менимча хамма актерларда булса керак бу ният.

Шундоккина куруккина жавоб берамизми?

-Менга жиддий филмлар ёкади. Мен аник комедия ола олмасам керак.

«Кулдираман» тоифасида эмас, «Куламан»га кираман денг?

-Ха, анекдот хам айтишни билмайман. Одамларни кулдиришга йукман. Менимча агар филм олган булганимда хам, жиддий филм олган булар эдим. Халиги мансаб, пул ва самара саволингиздан сал адашиб кетдик, уша саволга келсак олинадиган филмимда самара булишини хохлардим. 

Узингиздаги машхурлик маъсулиятини сезасизми?  

-Кимлигини айтмайман, лекин бир фикр билдиришди менга, «Мана хозир сен ва Улугбек одамлар учун намунасизлар, сизлар кинода нимани килсанглар одамлар шуни килади»-деб. Билмадим шу нарса ростми йукми, лекин, рост булган такдирда хам, факат тарбиявий куринишдаги ролларни ижро килиб булмайди-да. Албатта бор маъсулият.

Менталитетнинг савияси тушиб кетиши ва кутарилиши хам кайсидир маънода сизларга хам тегишли.

 -Жа унчалик даражадамасдир?

Бир бачкана йуналишидаги филмдаги, инсонларни «чучвара» сузлар билан аталгани хамон ёшлар орасида «болалаган», тугри, кулгилик, бу тарафлама ютук бордир, аммо савия-чи? Шу сузларни кайтариб юрган одамга кандай бахо берилади? Хулоса? Менталлитетга чирой берадими шу сузлар?

-Куп нарсалар борда мен айтиб сиздан ёзмасликка ваъда сурайдиган. Шунинг учун бу саволингизга диктофондан ташкарида уз фикримни билдирсам. Интервью учун демокчи булганим, икки хил куринишдагиси бор, тарбиявий жихатли филм ва хакконий комедия. Айнан Сиз назарда тутган филм хакида тухталмайман, унга бахо бермайман.

Америка хакидаги саволимга гумонга тушар даражада узингизни тутяпсиз, нималардан кийналдингиз у ерда?

-Куп нарсалардан, айтмай куя колай. У ердаги ватандошларни куриб улардаги ватанга булган мухаббати кучлилигини сездим. Айнан узокда булганда сезиларкан. Кейин  юртдоши узбекни курса хурсанд булиб кетишади, мехмон килгиси келади. Урф-одатлар йуколмаган, узбекчилик бор.

Чет элда чархланган махоратингизни качон курамиз?

Нималар кувонтиради? Табиат, болалар ёки уша узингизни хаёлингиздаги фантазияларингиздан кувониб утираверасизми?

-Айнан болалар жудаям кувонтиради, уларни курсам кайфиятим кутарилиб кетади.

Качон кичкина Фаррух Соипов булади?

-Шуни орзу киляпман.

Орзу киладиган даражадами?

-Худо хохласа. (жилмайиб)

Биз хозирги сухбат кураётган ресторан Сизга тегишли деб эшитдик (хХх)

-Дадамга тегишли бизнес. Бизнес оркасидан кейинчалик кетишим мумкин.

Жудаям босик ва хотиржамсиз, бирон бир эмоцияга чикариш кийин экан

-Чикаролмайсиз (кулади), сезяпман, саволларингиздан узи шуни хохлаяпсиз, лекин чикара олмайсиз. Бир маротаба Америкадаги укитувчим «Мен сени эмоцияда курмокчиман»-деди. Хозир яхши кайфиятдалигимни айтиб эмоция чикариб бера олмаслигимни айтсам бир соатда шунаканги мени синовдан утказди-ки, лекин бу сир.

«Уни ёзманг, бу керакмас, бу сир»… Келинг бир муддат имидж, куркув деган нарсаларни четга суриб хеч булмаса шу саволга очикчасига жавоб берсангиз. О, мухаббат хакида…

-Хуп майли, севганман бир кизни.. Эндиии (бирданига кайфияти тушиб кетиб кузлари ерга кадалди). Гапиргим йук-де шу хакида.

Аянчли тугаганми бу мухаббат?

-Тугрисини айтсам шу чет-элга кетишимнинг сабаби хам озгина шундан. Узокрок булгим келди. Шунчаки…севги шунаканги нарса-ки, урганиб колсангиз бошка нарса билан шугуллана олмай коласиз, хаёлга хеч нарса кирмай колади. Ушани уйлайверасиз, узингизни эзаверасиз.

Унга етишиб кунгил губорини босиш мумкин-ку, нахотки зиддиятлар кучли булган?

-Зиддиятлар булган, кейин тушунмовчиликлар хам. Кейин бир шахарда севганингиз билан булганингизда, кунгирок килгингиз келади, боргингиз келади-де…Шунинг учун укишни бахона килиб кетиб колдим. Лекин, хали хам хаёлимдан кетмайди. Унутдим деб айта олмайман-у…

Неччи йил давомланди бу мухаббат тарихи?

-Йил эмас, ойлар.

Шундай кам муддатли-ми? Синовларга  бардош бера олмабсизлар-да?

Мана шундай мунгли мавзуда интервьюни тугатишга мажбур булдим. Деярли барча саволлар уз жавобини олди. Факатгина Фаррухга кунглидаги  губорлари уз таскинини топиши тилакдошиман.

Sayyod-Сардор Камилов.

Махсус интервью учун эмас, лекин, сухбат чогида диктофонга ёзилиб колган баъзи сузлар:

-Нега унака детально саволлар берасииз? Унака нарсалар саволлар керакмас-да, ундан кура нима овкат ейсан денг, нима ранг ёкади денг?

Сизга шу саволлар ёкган булармиди?

- (Кулади)Йук, йук, энди бу нарсаларни, ёзманг деган нарсаларни ёзманг-де илтимос.

 Нимага унда гапирвос булмаса?

-Просто гаплашвоммизу кизу гапладан, яхши кетвотти, кизу сухбат бувотти-де