Ҳар кимга турлича хизмат юклатилган. Кимдир дунё ғамида меҳнат қилади, дунё учун елиб югуради. Баъзилар ўз аёлига хизматкорлик мавқеъига тушиб қолишган. Биз эса ўзимизнинг бор иқтидоримизни, саъий ҳаракатимизнинг Аллоҳнинг хизматига бағишламоқчимиз. Фақат шу йўлда юриб заҳмат чекканлар абадий роҳат эгаси бўлишади. Фақат шу йўлга хизмат қилганларга Аллоҳнинг ҳузурида юксак даражотлар насиб этади. Фақат шу йўл учун умрини тикканларгина  тоғлар жун каби учиб юрадиган қиёмат кунида ҳотиржам туришади. Улар Аллоҳ дини – исломнинг ҳақиқий ходим кишиларидир. Илоҳо, бизни ҳам шуларнинг қаторида қил.