O’zbekiston abonetlari uchun 2008 yil 2 sentyabrdan 2 oktyabrga qadar «Saxarlik va Iftorlik» xizmati ishga tushirildi.

«Perfectum Mobile»dan «Saharlik va iftor vaqtlari» xizmati

Ma’lumki, «Perfectum Mobile» kompaniyasi bir necha yildan buyon abonentlar uchun «Namoz taqvimi» xizmatini tashkil qilgan bo‘lib, 33339 raqamiga o‘zingiz yashayotgan joy kodini yuborsangiz, bir oy davomida Sizga SMS xabar tarzida namoz vaqtlari ma’lum qilib turilardi (masalan, Toshkent shahri va viloyati kodi – 510 raqami 33339 raqamiga yuboriladi).
Muborak Ramazon oyi munosabati bilan «Perfectum Mobile» kompaniyasi abonentlar uchun «Saharlik va iftor vaqtlari» xizmatini ham tashkil qildi. Endi Siz yuqoridagi 33339 raqamiga RAMAZON so‘zini yuborib, bir oy davomida har kuni saharlik va iftor vaqtlari xizmatiga obuna bo‘lishingiz mumkin.
Xizmatlarning narxi - $1,5.

«MTS-O’zbekiston»dan «Saxarlik va Iftorlik» xizmati

MTS-O’zbekiston abonetlari uchun 2008 yil 2 sentyabrdan 2 oktyabrga qadar «Saxarlik va Iftorlik» xizmati ishga tushirildi. Bu xizmatdan foydalanish uchun 333 servis raqami ajratildi.

«Saxarlik va Iftorlik» xizmatidan foydalanish qoidalari

1. 333 raqamiga bo‘sh SMS xabar yuborib, xizmatdan foydalanish qoidalari bilan tanishing.
2. Xizmatga obuna bo‘lish uchun 1 raqamini, obunani bekor qilish uchun esa 0 raqamini yuborish kerak.
3. Ramazon oyining aniq bir kunidagi saharlik va iftor vaqtlarini bilish uchun 333 raqamiga shu kunning sanasini yuboring. Masalan, 8 sentyabr uchun 08.09 raqami yuboriladi.

Bu xizmatga obuna bo‘lish, obunani bekor qilish va ma’lumot olish – bepul.

«U-Cell» kompaniyasi ham «SMS-Namoz taqvimi» xizmatiga qo‘shildi

O’zbekiston uyali aloqa bozorida yaqindan boshlab faoliyat yuritayotgan «U-Cell» kompaniyasi ham abonentlar uchun yangi xizmat turlarini tashkil qildi.

Abonentlar uchun «Ramazon taqvimi»

U-Cell kompaniyasi muborak Ramazon oyida abonentlar uchun «Ramazon taqvimi» xizmatini tashkil etdi. Abonentlar bu xizmatga obuna bo‘lishlari (bunda saharlik va iftor vaqtlari kirishidan yarim soat avval xabar berib turiladi) yoki o‘zlariga kerakli kundagi saharlik va iftor vaqtlarini savol-javob shaklida ham bilib olishlari mumkin.

«Ramazon taqvimi»ga obuna bo‘lish uchun 7737 qisqa raqamiga ON buyrug‘i yuboriladi. Obuna bo‘lganlarga har kuni bugungi va ertangi saharlik va iftor vaqtlari ma’lum qilib turiladi.

7737 raqamiga yuborilgan xabarda xatolik bo‘lsa ham, abonentga bugungi va ertangi saharlik va iftor vaqti bir marta yuboriladi. Xabar to‘g‘ri yuborilganda esa abonentga obuna qoidalari haqida qisqacha ma’lum qilinadi.

Obunani bekor qilish uchun yuqoridagi raqamga OFF buyrug‘i, obuna qoidalari haqida ma’lumot olish uchun esa HELP buyrug‘i yuboriladi.

«Ramazon taqvimi» xizmati 2008 yilning 2 sentyabridan 2 oktyabrigacha ishlab turadi.

Shuningdek, U-Cell kompaniyasi ham abonentlar uchun 33339 raqami orqali yuboriladigan «SMS-Namoz» xizmatini joriy qildi.

U-Cell abonentlari uchun 33339 raqamiga xabar yuborish narxi = $ 0,5.

Batafsil ma’lumotni www.flashfon.uz saytidan olishingiz mumkin.

33339 raqami uchun O’zbekiston viloyatlarining kodlari

«Namoz taqvimi» xizmati

Servis raqami: 33339

Obuna kodi to‘g‘ri yuborilgach, telefoningizga «Siz Toshkent va Toshkent viloyati vaqti bilan amal qiluvchi «SMS-Namoz» xizmatiga obuna bo‘ldingiz va 30 kun namoz vaqtlari kirganligi haqida eslatma qabul qilasiz» degan tasdiqnoma yuboriladi.