Ва нихоят ШАХЗОДА!

Бугунги кунгача хамма  учун яширин мавзу булган: оиласи, турмуш куриш тарихи, угли, собик турмуш уртоги, ажралиш, видеоролик, Райхон билан муносабатлари совиганлиги  сабаблари хакида сенсацион, очикчасига сухбат!

-Райхоннинг кушикларини хам тинглайман, клипларини хам кураман. Шоу бизнес вакили булгандан кейин албатта диккатга сазовор кушик ва клиплардан хабардор булиб тураман. Райхон билан муносабатимиз узгаргандан сунг хам уни клипларини куришни ва кушикларини тинглашни бас килмадим.

-Углим катта буляпти…атрофдаги бу каби булмагур гаплар давом этишини истамайман.

-Менга огир булган дамда Райхоннинг берган интервьюси….«Мана Сизни дугонангиз у, уша видеороликдаги киз бу Шахзодами ростдан хам?»деган саволга Райхон узок жим туриб сунг..

-Кора куйлак муаллифи эса Анжела эмас, унинг муаллифи…

-…. аксарият мухлисларим мусулмон булганлиги сабабли тушунишади деган умиддаман, инсонга тухмат килишдан аввал, мен хакимда ёки умуман бирон инсонга нисбатан фикр билдиришдан аввал бир оз уйлаш керак.

-Либослар хакида гап-суз бошлангани боис, барча клипларда концертларда иштирок этган либосларимни….

Айтилган соатда келганимда Шахзода хар галгидек кутаринки кайфиятда чикиб келди. Ундан аввал сузларим далили сифатида уни компютер олдига таклиф килдим, ва унинг гувохлигида уз почта манзилимга кириб келган хатлар ва таккосланган суратларни курсатдим.  Шахзода кулиб хайратланди ва биринчи айтган сузи шу булди:

-Тавба..киладиган ишлари йукми-а одамларни. Нима кераги бор буларни? Лекин жудаям кизик килишибди. Эринмасдан шунча ёзиб, шунча расмларни йигиб, таккослаб.

Куриб турганингдек бу лойиха эмас, менинг шахсий лойихам хам эмас, мен хам бундай сурат ва хатларни олгач рости кизик туюлди. Энди эса сен хам баъзи саволларга очикчасига жавоб беришга мажбурсан.

Шахзода кайфияти узгармаган холда майли-дея интервью киладиган хонамизга бирга утдик.

Олдинги сафардек Шахзода узбекона мехмондорларча дарров чой ва ширинликлар буюриб сухбат курадиган хона стулини безай бошлади.

Шахзода билан хам сухбатни реал, очикчасига сохталиксиз такдим киляптганим боис, сен деб мурожаатимизни тугри кабул киласиз деган умиддаман. Биз Шахзода билан айтарли бир ёшда булиб, интервьюда бошкача ва узаро сухбатда бошкача булишни узимга эп курмадим.

Хаммаси адолатли ва очикчасига булади.

Вахоланки, бундай сухбат студия директори Даврон Мукимовга умуман хуш келмайди, ва Шахзодага журналистлар билан бу тарзда сухбатлашиш мумкин эмас деб танбех бериб куярди.

Мен бошкача журналист эканлигимни хеч Давронга уктира олмадим халигача.)))

Сизда модельер деймизми, дизайнер деймизми хуллас куйлаклар буйича Анжела деган тикувчингиз борми? Ва у билан ким Сизни таништирган?

-Ха бор, лекин мени хеч ким у билан таништирмаган, у менинг кушним булади. Яъни собик кушним, хабарингиз бор мен якинда янги уйга кучиб утганман. Мен уни азалдан билардим ва унга либослар тиктирардим.

Сиздан аввал унда машхур инсонлар хам либос тиктирармиди?

-Йук, мендан аввал хеч кандай машхур инсонлар кийим тиктирмасди. Хозир энди Анжелани купчилик билади, айрим артистлар мендан сурашганда телефон ракамини берардим. Севкани  (Севара Назархонни назарда тутди),  Сетора кизларини, умуман купгина кизларни Анжела билан таништирганман.

Сиз узимизнинг шоу-бизнесимиздаги кушиклардан тинглайсизми, ёки Сизга умуман барибирми?

-Албатта эшитаман.

Райхоннинг кушикларини-чи тинглайсизми?

-Ха, Райхонни кушикларини тинглайман, унинг клипларини хам кураман, нафакат уни балки умуман диккатга сазовор булган кушикларни тинглаб,  клипларни куриб бораман. Чунки мен шоу-бизнес вакилиман, курмаслик, тингламаслик менимча нотугри булган буларди.

Фикрингизча бизнинг шоу-бизнесимизда имидж буйича деймизми куриниш буйичами  Раянна, Мадонна ва Бейонселарга хеч булмаса сал якин булганлар борми?

-Билмадим. Менимча йук булса керак. Ва умуман менинг бу масалада фикрим шундай: Хар бир инсон индивидуал булиши керак. Уз олдида кандайдир бир киёфани куйиб, уша киёфа йулидан дейлик йуналиш менимча нотугри. Хар бир кушикчи индивидуаллиги хам шунда-ки у нафакат уз ижод махсулоти, балки, узлигини курсатади. У нималарга кодирлиги ва узлигини кай тарзда намоёнлашида хамма гап. Кимгадур, Мадоннагами ё бошкасигами ухшашлиги билан менимча узлигини намоёнланмайди.

Баъзи хонандалар таклид борасида савол берганимда, ижод бошларида андаза олинади, уз йуналишини топгунча бу нарсалар тугри деб жавоб беришади. Сизда хам ижодингиз бошларида булганми андаза олиш дейлик.

-Йук мен у одамларни танкид кила олмайман, мен шахсан узимга жавоб бера оламан, ва менинг фикрим бошкача. Болаликдан билсангиз купчилик ёшларнинг уз кумири булади, плакатларини йигиб, осиб куйиб,  тугрисини айтсам, билмадим нима учун, лекин, менда кумир булмаган. Дейлик актрисаларнинг рол ижро этиш махоратлари ёкиши мумкин, кушикчиларнинг ижро махорати, кушиклари ёкиши мумкин, лекин кумир булиш булмаган. Кушик куйлашни бошлаганимда мен узим, узлигимча булганман холос. Уша «Жоним» гурухидан бошласак, бундан хабарингиз бор Вагиф Зокиров бошчилигидаги бу гурухда Нателла билан куйлаганмиз, Нателла унинг рафикаси. Мен хали-хануз Вагифга жуда хам миннатдорман. Уша даврлар биз кандайдир гурухга ёки кимларгадур таклид килишга интилмаганмиз, шунчаки узлигимизни намоён килганмиз холос. Вагиф бизга кушиклар ёзиб бераётганда айнан бизга мослаб, гурухимиз номига мослаб ёзиб берарди.

  Янги Шахзода куриниши кимга тегишли булган?

-«Жоним» гурухи пайтида Тарона билан хамкорликда эдик, факат, сал бошкачарок коидалари билан.   Нателла фарзандли булгач  санъатдан четлашишга мажбур булди. Таронадан менга яккахон хонанда сифатида лойиха таклиф килишди. Янги киёфа сифатида Зилола номи  унчалик жарангдор эмас деб, шаркона  куринишга эга булганинг сабабли сени йуналишингни хам шу тарзда такдим киламиз дейишди. Кейин шу Шахзода тахаллусини таклиф килишди.

Шу тахаллус билан сал тушунмовчилик булиб коляпти, асосан Россиялик журналистлар учун. Бир икки  Россия сайтларида тахаллусни таржима килиб нима учун «принц» деган савол тугиляпти. Нима учун Малика эмас?

-Билмасам, купгина номлар аёллар ва эркаклар сафига ажратилмайди. Масалан купгина Шахзода исмли кизлар бор-ку. Мана янги Сетора кизларидан хам бирини номи Шахзода.  Тугри, аввалига Малика деган таклиф тушди, лекин, Шахзода жарангдоррок ва купрок шарконавий деган карорга келинди. Менимча бу тахаллусим жудаям бир принципиал эмас, масалан мана Москвада хонанда кизнинг тахаллуси Максим. Бу унчалик катта ахамиятга молик нарса эмас деб уйлайман.

Сарторошингиз хакида хам бир мухлиса тухталиб утганди.

-Менда стилистлар куп, хозир Алишер деган сартарош бор, мана якинда сочларимни сал калталатдим, яна Хафиза деган киз хам бор. Менда шундай кизик ёктириш бор, масалан кимнидур соч олиши ёкса кимнидур сочни «укладка» турмаклаши ёкади. Шунинг учун бирида кестирсам бирига сочни укладка килишга бораман. Стилист ва сартарошлар хаётимда тез-тез алмашиб туради.

Келинг асосий мавзуга утамиз, Райхон билан булган сухбатни укидингизми? Фикрингиз?

-Ха укидим. Биринчи реакциям бу  жилмайганим булди. Мени бу ажаблантирмади. Тугриси, умуман ажабланмадим. Очикчасига интервью булса мархамат…(сукут саклаб) Биласизми, умуман хохламасдим «У айтди, сен дединг» каби нарсалар хакида гапиришни, ёктирмайман бу нарсаларни. Лекин…биламан хозир нима учун дуст эдингиз хозир эса йук  деб менга хам савол берасиз, хеч кандай жанжал булмаган. Кимдур кимнидур уришди ёки шунга ухшаш нарсалар умуман булмаган. Шунчаки менда шундай бир огир пайтлар булди, бу даврни хамма билади, ва бу даврда мени кандай хохлашса шундай кориштириб ташлашди. Мен уша номаълумлигича колган видеоролик хакида ва балки  у билан боглик такик хакида. Ва уша пайтлар мен тугрисини айтаман, менга рости жудаям огир  дамлар булди. Чунки кучага чикиб бу мен эмаслигим хакида овозим борича бакириб хаммага исботлашим ахмоклик буларди. Акли хуши жойида булган инсонлар, мени таниган якин булган, ва умуман якин булмаган такдирда хам, танимаган булса хам, акли хуши жойида булган инсонлар уша роликда мен эмаслигимни тушуниб туришарди. Тушунарсиз булган нарса, кимдур балки буни оркасидан пул хам килгандир, бу умуман кейинчалик модага айланибди билсам. Хаммани кетма-кет шундай тарзда ухшатиб роликлар чикаришяпти. Лекин айнан мени хаммадан куп гап-суз килиб кориштиришди. Ана уша даврда жуда хам куп интервьюлар булди ва журналистлар асосан  мени атрофимдаги якин булган артистлардан сурай бошлашди. Менга эса бу фикрлар жуда мухим эди. Хамма артистлар адекват тарзда жавоб беришди, роликдаги киз  Шахзода  эмас, биз уни биламиз бу кулгули савол деб. Ана уша пайтда Райхон шундай жавоб берган-ки буни хеч качон кейин унута олмайман.  Чунки бу интервьюни шунчаки укимаганман, мен уни  диктофонда эшитганман, уша журналист келтириб куйиб берганди. Уша савол билан мурожаат килиб «Мана Сизни дугонангиз у, уша видеороликдаги киз бу Шахзодами ростдан хам?»-дейишганда Райхон узок жим туриб сунг.. "(ИНТЕРВЬЮНИНГ ТУЛИК ВАРИАНТИ ХАМДА ШУ САБАБНИ 22 ЯНВАРЬ 2009 ЙИЛ ПАЙШАНБА КУНИ РЕСПУБЛИКА МАТБУОТИДАН "ПАРВОНА" ГАЗЕТАСИДАН  УКИЙСИЗ)"

Шу интервьюдан сунг мени олдимга журналистлар келиб, мана жавоб бермайсизми, нимадур айтинг дейишганда, мен ундай инсон эмасман, жавоб бермайман, узимни оклаб кимгадур нимадур жавоб бериб утирмайман-дедим. Узим учун керакли хулоса килдим, хаммасини тушундим, сизларга хеч нарса айтмайман дегандим. Келинг у тугрисида хам бир нарса айтинг, жавобан бир нарса айтинг деб яна саволга тутишган, мен эса хеч нарса гапирмайман дедим булди. Уша даврдан бери хеч кандай урушмай, шунчаки у билан камрок гаплаша бошладим. Мана хамма сабаб. Бу хакда гапиришни истамагандим, лекин хакикатдан у билан гаплашмай куйганим боиси шу эди. Лекин бундан кейин уни кушикларини тинглашни ва клипларини куришни бас килганим йук.

Райхоннинг маъмури билан танишмисиз? Менга кизик туюлгани гуё Сиз хакингизда биладигандек жахл билан фикр билдирди.

 Тугриси хайратландим,    мен бу инсонни умуман танимайман, мен хакимда маълумотга эга булмай уз фикрини бу тарзда билдириши мени ажаблантирди. Хеч кимга, хусусан шу Пэтга хам бирон нимани исботлаш ниятим йук, уни танимайман хам. Мана энди билишимча, у Райхоннинг маъмури экан.

Мен ишлаяпман ва уз ишим билан бандман, менимча хамма иш самарамни куришяпти хам. Шунчаки утирганим йук, нафакат бу ерда, балки Россияда, ва унинг шимолий худудларида гастрол сафарларида куп булдим. Шунчаки ишсиз утириб менимча хозирги кунга кадар эришган наижаларимни самарасини курмаган булардим. 1 йилнинг узидаёк 3 альбом яратдим, Тошкентда жуда хам кам булиб, кетма-кет гастрол сафарларида булдим. Умуман мен мухлисларга, барча инсонларга хам бир нарса айтмокчиман, аксарият мухлисларим мусулмон булганлиги сабабли тушунишади деган умиддаман, инсонга тухмат килишдан аввал, мен хакимда ёки умуман бирон инсонга нисбатан фикр билдиришдан аввал бир оз уйлаш керак. Мен бундай огир даврдан утганим боис бундай нарсаларни жуда яхши тушуниб етдим. Хали хануз уша мавзуни кавлаб ётганлар бор, хеч кимга хеч нарса исботлаш ниятим йук, лекин мен етарли даражада  европалашган ва замонавий инсон  инсон булганим учун бундай арзон ва паст роликлар билан шугулланмайман. Бу жудаям ахмокона булган иш ва  хаттоки мунозарага хам муносиб эмас. Одамларнинг жонига тегмаганига хайронман, балки кимгадур бу завк багишлар, чунки мендан салбий   хеч нарса  топа олишмайди, шунчаки бир кокилтиришди ва одамлар югуриб келиб топтаб ташлашди. Мени углим катта буляпти, бу нарсалар давом этишини хохламайман.

Клипларда ва умуман агар Сиз билан ухшашлик булса унга эътибор каратасизми?

-Ухшашлик булган такдирда хам, куринишимдами, кийимларимдами, мен бундан кувонаман, демак…йук, мен узимни мактамокчи эмасману, лекин, демак, мени дидим яхши экан-ки одамларга бу ёкяпти, ва шу каби нарса килишни исташяпти. Ва айтганча мен доимо айтиб келганман, модельер булишни орзу килганман деб. Доим либослар яратиб уни намойиш килиб, сунг, машхурлар уларни сотиб олишини хохлардим. Мана шу либос билан боглик гап-суздан сунг либосларимни аукционга (ким ошди савдосига) куймокчиман, менга бу кувонч багишлайди, гап пулда эмас, шунчаки менга бу жудаям кизик хозир, истаганлар  концерт дастурларимдаги, клипларимдаги исташган либосларимни сотиб олишлари мумкин. Кейинрок тафсилотлар ва тартиби билан сизларни вокиф киламан.

Яна бир янгилик, уч альбом чикарганим хакида биласизлар ва шу  альбомим сотувга чикгач махсус суровнома ташкил киламан ва тугри жавоб берган мухлисларга либосларимни маълум кисмини хадя киламан.

Кандай килиб иккингизда бир хил куйлак булиб колди?

-Тикувчимиз бир чунки.

Олдиндан нахотки келишмайсиз тикувчингиз билан?

-Албатта келишамиз, Анжела мени бу борада кандай инжиклигимни жуда яхши биларди. Вакти-вакти билан мен тайёр кандайдир бренд махсулоти либослари билан чикиш килиб тураман, лекин шоу-бизнес кандайдир бир ёркин ва ажралиб тургувчи нарсага ундайди ва буни талаб килади. Ва мен кандайдир индивидуал нарсани, ягона нусхада истайман ва тикувчига мурожаат киламан. Анжела буни билади, у менинг бу борадаги хамма инжикликларим билан таниш.

Айнан шу кора куйлакни Анжела уйлаб топганми?

-Йук, мен шундай инсонлар тоифасига кираман-ки, хеч качон бегона фикрни уктириб, менга ниманидур уйлаб топиб, шуни киясан-деб булмайди. Анжела буни яхши билади. Мен узим доимо уйлаб топаман, чизаман, нималардур уйлаб топаман, Анжела кийналиб хам кетади. Бу куйлакни гояси албатта меники. Тугрисини айтсам мазкур вокеа юзасидан Анжела билан жиддий  сухбат булди ва у уз узрини суради. 

 Сизга ёкмаса керак агар бир жойда тадбирдами дейлик Сиз билан бир хил либосда бошка машхур инсон булса?

-Тугри, бу ёкмайди, нафакат кушикчилар орасида балки,  аёллар табиатан узига хос инжик  зот, ва хар бир аёл индивидуал булишни истайди, албатта агар ёнида бир хил либосдаги нафакат кушикчи, шунчаки  бошка аёл булса ёкмайди-да. Хар бир аёл ягона булишни истайди, хамма нарсада. Хулк-атворда, хатти-харакатда, айникса либосда ва айникса кушикчи булса. Демокчиманки, менинг дидим одамларга ёкиши менга кувончли хол. Лекин индивидуал булишга харакат киляптганимда, бу менда сал  ухшамаяптганлиги албатта ёкмайди.

Аввалги сухбатда хам савол бергандим пластик жаррохлик масаласи буйича, бунга яна кайтишим сабаби мухлисларга машхурлардаги айнан шу нарса хуш келмагани ва бу мавзуда шунга яна тухталишагни.

-Бу нарсага ижобий карайман, агар инсонга ёши утган сайин бу керак булса, ва у узига караса, бу ёмон нарса дегани эмас деб уйлайман.

Сочлар хусусида куп гап-сузлар булганди ана «наращивание» килишяпти деб. Хатто баъзи юлдузларимизнинг бошларидан шундок сочлари уланганлиги «капусла»ларидан билиниб туради.

-Мен бунга мухтож эмасман, менинг сочларим узи  табиий куюк.  

Шу пайт кувлигим тутиб, Шахзоданинг сочларини текширдим, мана сизларга ноанъанавий интервьюнинг яна бир махсулоти. Сочлари узиники, хеч кандай улама йук.

Афсуски бошка сохтадек куринган нарсаларни текшира олмаймиз…

-(Шахзода хандон отиб кулади) Ужас какой. Лабингизни ушлаб тортиб курсам майлими демадингизда (яна кулади).

Оилангиз хакида жуда хам кам маълумотга эгамиз, билганимиз углингиз борлиги холос. Бу баъзи миш-мишларга сабаб булмокда. Келинг, баъзи саволларга нукта куйсак, углингиз хакида унинг отаси хакида.

-Азиз мухлислар, 17 ёшимда углимнинг отасига   турмушга чикганман, мусулмончасига никох  ва  расман Загсдан утганмиз. Туйимиз Зарафшон ресторанида чиройлик тарзда утган. Менинг севимли углим шу турмушимдан тугилган, хозиргача мен билан яшаб келмокда. Фарзандимни жонимдан ортик яхши кураман. Собик турмуш уртогим билан 4 йил бирга яшадик, лекин вакт утиб биз бошка дунёкарашларга ва кадриятларга эга инсон эканлигимизни  тушуниб етдик. Оддий хол, купгина оилаларда учрайди. Хеч кандай уруш жанжалсиз, узаро келишиб ажрашишга ахд килдик. Тугриси, купрок унинг узга юртга мени фарзандим билан умрбод Узбекистонни тарк этишга ундагани хам бунга сабаб булган деса хам булади. Ватанимни севаман ва тарк этишни истамайман. Хозирда у Америкада яшамокда. Собик турмуш уртогим билан кариндошларимнинг муносабатлари бор, углим билан хам куришиб туради. Мен у хакида хеч кандай салбий нарса айта олмайман, чунки ёмонликлар булмаган, жуда яхши инсон, биласизми иккинчи бора турмуш куришидан аввал мени бувимни олдига келиб улардан ок фотиха хам олган. Бувим рахматли уни жуда хам яхши курардилар, Тошкентга келиб бувимни олдига Фаргонага бориб улардан ок фотиха олиб кетган.

Сизга нима булди? Нима учун кузойнак такиб олгансиз?

-Чунки мен имиджимни узгартирдим (кулади)

Декоратив ойналикми ёки..

-Йук, декоратив албатта.

Аа, яхши, хаёт зарбаларидан йиглайвериб кузойнак такишгача борибсиз деб уйлабман.

Мана шундай кутаринки кайфият хамда хазил-хузул билан сухбатни якунладик. Диктофон учирилиб бир неча соат сухбатлашиб утирдик.

Ижод ва шоу-бизнесга умуман алокаси булмаган турфа хил мавзуларда сухбатлашиб утирган булсак, ундаги оптимизм, хаётга булган ишончи, ва кунглида дархакикат кандайдир бир бегуборлик борлиги барибир сезилиб турарди.

Сухбат бошидан охиригача Шахзода ута жиддий ва мулойим тарзда  аник равон жавоб берди.

Вахоланки аввалги сухбатларда хам мулойимлик ва дипломатик тарзда сухбат курилган булса-да, хар холда хушчакчаклик бир зум тарк этмасди.

Балки унинг янги жиддий имиджи таъсир курсатгандир?

Балки, айтарли бир йил аввалги сухбатдан у анча ёши улгайиб колгани ва балки хаёт тукмоги зарбаларидан шу тарзга келдими, билмасам.

Хар холда унинг табиий булган ва унга жуда хам ярашиб турадиган жилмайиши уни тарк этмаслигини тилаб колдим.