Кино оламида энг нуфузли Оскар мукофотига ўн йўналиш бўйича илгари сурилган "Чайладан чиккан миллионер" фильми козонаётган шухрат кўплаб танкидчиларнинг хам тилларини тишлаб колишларига сабаб бўлмокда. Фильм аллакачон бир неча йўналиш бўйича "Олтин курра" мукофотига хам лойик деб топилган. Британиялик кино устаси томонидан ишланган мазкур фильм Хиндистондаги кашшок, хароба бир махалладан чиккан ўсмир йигитчанинг "Ким миллионер бўлишни хохлайди?" телевизион ўйинидаги галабаси атрофидаги сюжетга асосланган. Аммо "Чайладан чиккан миллионер"ни том маънода хинд фильми деб атаб бўлмайди. Фильм муваффакияти сирига ечим топиш учун Мумбайга сафар килган мухбиримиз Крис Морис ўз лавхасини шахардаги кинотеатрларнинг биридан бошлайди:  

"Бу фильм айнан шу ерда - Мумбайда суратга олинган. Фильмда ўйнаган актёрлар хам хинд, мусикаси хам хиндча, аммо хамма яхши биладики, директор хам, сценарий муаллифи хам, фильм директори хам Хиндистондан эмас. Савол тугилади, нима учун?" деб савол кўйган мухбиримиз, - "Сабаби Хиндистонда дунё сахнасига арзийдиган фильмларнинг ишлаб чикарилмаслиги эмас. Холливудда ишланган фильм турганда Болливудда ишлаб чикарилганларига мукофот берилмаслиги ёзилмаган конунга айланган," деб жавоб бериб кўя колади. Ва бу борада хиндистонлик фильм усталарининг ўз фикрларига кулок тутиш максадида "Чайладан чиккан миллионер" фильми монтаж килинган Мумбайдаги YRF киностудиясига йўл олади. Крис сухбатда бўлган киностудия президенти муовини Акшай Видханинг хам айтишича, Хиндистон киномотографияси халкаро сахнада эътироф этиладиган фильмларни яратишга кодирдир.

"Бунга ишонмасликка хеч кандай асос йўк. Бизда инфратузилма бор. Бизда фильм олиш учун зарур бўлган барча заминлар бор. Бизда дунёнинг энг яхши актёрлари, энг аклли фильм усталари, ижод ахли жам бўлган. Хиндистон маданияти ва улкан маданий меъроси билан танилган. Бизнинг кўчада хам тўй бўлишига ишонаман," дейди Акшай Видха жаноблари.

 YRF студиясининг Нью Йоркка мўлжалланган фильм рекламасини томоша килган мухбиримиз, "Бу рекламани кўрганлар унинг Болливудда ишланганига ишонмаслиги хам мумкин. Лекин хиндистонлик фильм продюсери "Чайладан чиккан миллионер" сингари Мумбайдаги хакикий хаётни тасвирлаб берадиган фильмни олишга кодирми?" деган савол билан хозир тилларда достон бўлган мазкур фильмнинг устаси британиялик Данни Бойлни сухбатга тортади. Данни Бойлнинг айтишича, "Одамлар Хиндистонда ишланган реалистик фильмларнинг хам жуда яхши эканлигини билишмайди.""Мен у ерда бундай фильмларни олишга кодир бўлган икки йигитни учратдим. Хуллас, болливудча фильмлар олмайдиган хинд кинорежиссёрлари хам йўк эмас, бор," деб таъкидлайди "Чайладан чиккан миллионер" фильмининг продюсери.

Бунинг ортидан тиниб-тинчимаган мухбиримиз, "Хинд киносининг келажаги кандай?" дея хиндистонлик реалист кинорежиссёр Анураг Кашяпга мурожаат килади:

"Болливудда Мумбайдаги хакикий хаётни тасвирлаб берувчи фильмларнинг олинмаслигига сабаб, бу ердаги киночиларда хакикатга бошкача назар билан караш шаклланган. Хиндистон хаётини кўрсатмайдиган фильмлар факат Болливудда ишланади. Агар мен "Чайладан чиккан миллионер" фильмини бу ерда - Хиндистонда ишлаганимда, фильмни таркатувчилар уни бу ердан ташкарига чикармаган бўлишарди," дейди у.

Хўш, Хинд киномотографияси кай томон бормокда? Ха, вазият ўзгараяпти, лекин аста-секинлик билан. Хинд фильмларига дунё бўйлаб катта кизикиш бор, лекин улар гарб эхтиёжларига камдан-кам холатларда жавоб беришади.

"Хиндистонда ишланаётган оммабоп фильмларнинг гарб бозорларига кириб боришига кўзим етмайди. Чунки гарблик томошабин назарида бу фильмлар ноанъанавий эмас, балки жуда хам арзон фильмларга ўхшаб кўринади. Чунки гарбда фильм маданият эмас, балки маданият фильм асосига курилмаган. Шунинг учун Болливудда ишланган фильмлар гарбликларга хеч кандай маъно бермайди," дейди Хиндистон киноси бўйича мутахассис профессор Райчел Даэер.